Ботолчанката Викторија Митевска не ја пронајде правдата за нејзиното мртво бебе -Обвинителството се спогоди со гинекологот Христо да добие условна казна.

Јавното обвинителство Битола, застапувано од обвинителката О.Н пред околу 1 месец се спогодило со гинекологот од битолската болница Ѓорѓиевски, а судот ја прифатил спогодбата – тој да биде условно осуден на 6 месеци казна затвор која нема да се изврши ако една година не стори ново кривично дело, за смртта на новороденчето Јован, на мајката Викторија Митевска- јавува Слободен Печат.
.
Смртта на бебето настапила како директна последица на тоа што гинекологот наместо да ја породи со царски рез, ја породил спонтано, спротивно на медицината заснована на докази. Бебето се задушило, страдало во матката, но Ѓоргиевски наместо да пристапи кон итен царски рез, процес, што според вештачењето, во организирани гинеколошки институции трае 10-15 минути, продолжил со спонтано породување. Во него уште се додава дека кога Митевска дошла на породување, нецелосно работеле и ЦТГ апаратите во болницата, што оневозможило да се следи целосно срцевата акција на плодот.
Извор:Слободен Печат