Премиерот Христијан Мицкоски утрово изјави дека правдата доаѓа за пожарот во дискотеката во Кочани, во кој загинаа 59 луѓе.
„Така што граѓаните треба да бидат спокојни, правдата доаѓа. За разлика од принципот како досега, овој пат правдата доаѓа и правдата ќе се ќе се случи без разлика дали лицето е дел од некоја политичка структура или не е дел од некоја политичка структура“, изјави премиерот Христијан Мицкоски на прашање околу истрагата за трагедијата во Кочани.
Тој нагласи дека секој оној којшто го прекршил законот ќе одговара пред законот и не треба да има дилема за тоа.
„Како што впрочем видовте во првите три дена опфатени се 34 лица, а од тоа што сум информиран акцијата на Министерството за внатрешни работи продолжува и понатаму“ додаде Мицкоски.
Тој рече дека и натаму се прават проверки на фирми во Кочани, и дека може да биде проширена листата на осомничени.
