Тим од лекари пластични хирурзи ќе заминат во Кочани, каде во изминатиот период ќе им бидат потребни на пациентите. Четири пластични хирурзи од штипската клиничка болница исто така ќе нудат помош и поддршка на пациените кои настрадаа во катастрофата во дискотеката во Кочани. За оние пациенти на кои ќе им биде потребно повеќе време за закрепнување, ќе се носат долгорочни решенија, вели Таравари.
„Тим од пластични хирурзи, бидејќи повеќе пациенти се од Кочани, ќе бидат во Кочани. Уште денеска или најдоцна утре ќе бидат во Кочани за да видат од што има потреби. Во штипската болница има четири пластични хирурзи, ќе бидеме во комуникација, за да не патуваат тие туку нашите доктори да одат и да има дадат помош.“ – вели Таравари.
Најголем дел од повредените пациенти се од Кочани и токму затоа тимот од пластични хирурзи се сели таму. Како што посочи Таравари целта е да не патуваат пациентите за прегледи, преврски и слично до Скопје, туку лекарите да им нудат помош и поддршка во Кочани.
