59 плотуни за 59-те жртви во пожарот во Кочани на 5-годишнината од членството во НАТО во касарната „Илинден“ во Скопје. Солидарноста меѓу сојузниците се покажа и при помошта на повредените, укажаа македонскиот и воениот врв на НАТО.
Нашиот влог во НАТО е истовремено и влог во Армијата, во бедемот на територијалниот интегритет и независноста на нашата република, рече претседателката и врховната командантка Сиљановска-Давкова.
Македонија се покажа како доверлив сојузник кој придонесува за колективната одбрана. Вложува во одбраната и модернизацијата на воените сили за да биде подготвена да се справи со безбедносните предизвици.
Способноста на припадниците на Армијата, високо се цени во НАТО. Дел од единиците ги покажаа своите вештини пред државниот врв и дипломатскиот кор.
На 30 македонски војници коишто учествувале во мисиите на НАТО во Бугарија, Романија и Латвија им беше доделен медал на НАТО за будност.
Македонија дава поддршка на стабилноста и мирот во регионот со учество во Мисијата на НАТО на Косово.
Ирина Гелевска Мтв
