Министерството за внатрешни работи (МВР) потврди дека на 30 март 2025 година е уапсен полициски службеник осомничен за оддавање службена тајна. Според информациите, станува збор за А. С, член на Одделот за заштита на определени личности и објекти, кој предавал класифицирани полициски документи на лица од С. Грчец, иако денес овие гласини беа исфрлени.
Во координирана акција на Одделот за внатрешна контрола и ОЈО ГОКК, полицијата извршила претрес на повеќе локации, при што биле пронајдени службени документи, електронски уреди и други релевантни материјали. Самараков бил уапсен во возило марка „БМВ“ заедно со уште едно лице, а во нивниот посед бил пронајден ранец со доверливи материјали од МВР.
Од министерството најавија дека ќе биде поднесена кривична пријава против осомничениот, а истрагата продолжува за да се утврди дали тој делувал сам или по нечија наредба.
