Австралискиот борец со македонско потекло, Алексндар Волкановски по пет рунди борба го совлада Диего Лопез со едногласна одлука на судиите и се врати на шампионскиот трон во УФЦ.
Илија Тупурија реши да ја напушти оваа перо категорија, да се качи во степен потешка, а со тоа му даде шанса на Волкановски да си го врати појасот во УФЦ, најголемата и најпопуларната организација за мешани боречки вештини (ММА) во светот.
Во денешниот меч за титулата, Волкановски се бореше со Бразилецот кој живее во Мексико, Диего Лопез.
Тоа беше борба во пет рунди, Волкановски беше максимално фокусиран и беше подобар во најголемиот дел од мечот. Зададе многу повеќе прецизни удари.
Диего Лопез имаше свои моменти во кои го стави на мака Волкановски, но македонскиот борец беше подобар, а така пресудија и судиите.
Одлуката на тројцата судии беше едногласна 48-47, 49-46, 49-46. По што судијата на октагонот ја крена раката на Волкановски.
