Со кауција од 2 милиони евра, Асмир Јахоски излегува од притвор. Покрај ова за сопственикот на Пуцко Петрол и син на пратеник на ДУИ, осомничен за перење пари при набавката на токсичен мазут за ТЕЦ Неготино се определени мерки на претпазливост. Обвинителите сметаат дека Јаховски повеќе не може да влијае врз истрагата бидејќи досега се обезбедни поголем дел од доказите.
-Во мислењето, јавниот обвинител истакна дека предлогот на осомничениот за укинување на мерката притвор и нејзина замена со мерка гаранција во недвижен имот со проценета вредност од 60 672 235 денари, може да биде основан само ако осомничениот, во исто време, на посебна сметка на судот, дополнително да депонира и износ од 72 000 000 денари. Во конкретниот предмет, според доказите со кои располага обвинителството, износот од 72 000 000 денари одговара на вкупниот износ на противправно стекнатата имотна корист за овој осомничен од кој во понатамошна постапка би можело да се наплати евентуалното оштетно побарување од него, информираат од ОЈО ГОКК, од каде појаснуваат дека за ова кривично дело Јаховски може да добие уште максимум 30 дена притвор, без можност за гаранција на парите кои обвинителите сметаат дека се испрани.
