Доколку продолжат со исто темпо, интензитет и буџет доделен оваа година, Коридорот 8 нема да биде завршен во предвидениот рок до крајот на 2028 година, туку ќе бидат потребни уште 7-8 години, вели заменик-директорот во заминување на ЈП „Државни патишта“, Назим Таипи. Во ДејлиКлик тој нагласи дека интензивно се работи на трасите Тетово-Гостивар и Гостивар-Букојчани и дека се постигнати добри резултати во експропријациите. Сепак, се сомнева на занемарување на трасата Требениште-Ќафасан, за кој рече дека е на нулта точка, бидејќи сè уште нема проект каде ќе поминува трасата.
Точно е дека има критики од УНЕСКО, но наша должност е да најдеме решение, бидејќи не можеме да го оставиме и да го занемариме бидејќи ова одзема премногу време. Треба да најдеме решение и мора да постои волја што побрзо да се движат процесите напред и што побрзо да се најде решение, изјави Назим Таипи, заменик директор на ЈП Државни патишта.
Според Таипи, работите на проектот за патот Тетово-Призрен се исто така на почетна точка. Досега постои само меморандум меѓу двете држави и формирана е работна група, но како што додава тој, работите одат многу бавно, па затоа не треба да се очекува да се заврши за 4 години. Видео ТУКА https://x.com/TV21HD/status/1922318741859168682
