Лидерот на „Македонски коцепт“, Петар Богојески, познат по својата отворена критика кон бугарската политика кон Македонија, поседува банкарска сметка во Бугарија. Ова отвори прашања за тоа како лице што се спротивставува на официјалните ставови на Бугарија во однос на македонското прашање, во исто време има финансиски активности токму во таа земја.
Во емисијата „Само вистина“, Богојески објасни дека сметката датира од времето кога бил докторант и дека била обновена пред неколку години од практични причини – како услов за соработка со американска компанија што барала сметка во Европска Унија, особено за тргување со акции преку платформи од САД.
Таа сметка е стара доста години… Работев со една американска компанија која не прифаќаше банки надвор од ЕУ“, рече Богојески.
Адвокатот Умејр Мухамеди, пак ја истакна недоследноста во јавниот дискурс околу Бугарија.
„Имаш една омраза буквално кон Бугарите, дека Бугари во устав е предавство. Никој не вика ‘Срби во устав е предавство’. Бугари во устав велат дека е предавство, ама фирми во Бугарија било ок да се има. Бизниси да се тера во Бугарија – било ок“, рече Мухамеди, алудирајќи на двојните стандарди во политичкиот и бизнис контекст.
