Собранието одобри прераспределба на буџетски средства за 2025: 600 милиони денари за општински проекти, 2 милиони за спомен-обележје во Кочани и над 240 милиони за социјална заштита. Дел од средствата се пренасочени од програмите за странски инвестиции.
<
Собранието денеска со 68 гласа „за“, 4 „против“ и без воздржани, изгласа одлука за прераспределба на буџетски средства помеѓу корисниците на централната власт и фондовите за 2025 година. Со оваа одлука, меѓу другото, се издвојуваат 2 милиони денари за почетни активности и идејно решение за изградба на спомен-обележје во Кочани, во чест на загинатите во трагичниот пожар, како и 600 милиони денари за инфраструктурни и капитални проекти во општините низ државата.
