Во чест на Фросина Кулакова, талентирана студентка по моден дизајн која трагично го загуби животот во сообраќајка предизвикана од несовесен возач, Меѓународниот институт за мода „Изет Цури“ каде таа студираше, најави основање на фондација што ќе го носи нејзиното име.
Фондацијата „Фросина Кулакова“ е инспирирана од семејството Кулакови и ќе има за цел да ја продолжи нејзината љубов кон модата и креативноста, поддржувајќи нови генерации талентирани дизајнери, велат од Институтот.
Фондацијата „Фросина Кулакова“ е инспирирана од семејството Кулакови и ќе има за цел да ја продолжи нејзината љубов кон модата и креативноста, поддржувајќи нови генерации талентирани дизајнери, велат од Институтот.
Преку оваа фондација, секоја година ќе се доделува стипендија која ќе овозможи на еден избран студент цела година студии на престижниот Меѓународен институт за мода „Изет Цури“ во Скопје. Подготовките за официјалното отворање на фондацијата се во тек, а повеќе детали за стипендијата ќе бидат објавени на 25 јуни, денот на раѓањето на Фросина, со цел нејзината инспирација и страст кон модата да останат вечни.
„Нека споменот на Фросина биде вечен и нејзината љубов кон модата мотив за идните генерации,“ стои во соопштението на Институтот.
