Денеска сите патишта водат кон манастирот „Свети Наум“
<
На 3 јули (по нов стил), македонскиот народ го празнува летниот празник на Свети Наум Охридски, еден од најпочитуваните светители кај нас.
Илјадници верници денеска се упатуваат кон манастирот „Свети Наум“ крај Охридското Езеро, каде се одржуваат свечени литургии, молитви за здравје и благосостојба, и традиционални собирања.
Свети Наум, просветител, ученик на светите Кирил и Методиј и најблизок соработник на Свети Климент, е симбол на верата, мудроста и духовноста. Неговото дело остави траен белег врз македонската културна и духовна историја.
Нека празникот донесе мир, здравје и благослов во секој дом.
