Денес е голем ден за Охрид, за целиот југозападен регион, но и за цела Македонија. Со неизмерна радост и гордост
ја ставивме во употреба првата делница во должина од 20 км од автопатот Охрид – Кичево, проект кој со години беше наша визија, а денес станува реалност.
Со овој автопат, патувањето до Охрид станува значително пократко, побезбедно и поудобно. Тоа значи повеќе туристи, повеќе гости од земјата и странство, кои ќе можат полесно да уживаат во сето она што Охрид го нуди. Тоа значи повеќе полни хотели, ресторани, продавници. Тоа значи повеќе работни места и подобар живот за секој охриѓанец кој живее од туризмот. Овој автопат ќе го позиционира Охрид како уште подостапна и попривлечна дестинација, што е клучно за нашата економска иднина.
Изградбата на автопатот Охрид – Кичево е доказ дека со упорност, посветеност и заедничка работа и одлична меѓусебна комуникација можеме да ги реализираме и најголемите проекти. Ова е само еден чекор кон подобра и поразвиена иднина за нашиот град и нашата држава.
