Извршивме времена интервентна санација на оштетениот коловоз на клучките кај Белви и кај Хиподром и ја вративме безбедноста во сообраќајот. Санацијата по наш налог ја изврши ЈП за одржување и заштита на магистралните и регионалните патишта, т.е. Македонијапат и продолжуваме и понатаму со времена интервентна санација онаму каде што има потреба од тоа.
Утрово заедно со градоначалникот на општина Илинден, Александар Георгиевски и во присуство на заменик директорот на ЈП Македонијапат Александар Шуковски и раководителот на одделот за поддршка на директорот Љуљзим Шаќири извршивме проверка над сработеното.
Инаку, времената интервентна санација опфати:
санација на најоштетените делови на клучката Белви и на
клучката Хиподром.
на клучката Белви санирани се: кракот за исклучок од Скопје кон Илинден и кракот од Белви кон Скопје.
на клучката на Хиподром, пак, санирани се делот од коловозот на клучката, кракот за приклучок кон обиколницата од страна на Миладиновци и кракот за исклучок од обиколница кон Куманово.
вкупно се санирани 21.000 м2 и вградени се 4.500 тони асфалт.
вредност на работите е 57 милиони денари обезбедени во програмата на ЈПДП.
Во перодов што доаѓа се посветуваме на проектот за целосна рехабилитација на клучката за кој е веќе даден налог за изработка, проект кој ќе биде за трајна рехабилитација и санација на целата заобиколница на Скопје вклучително и исклучувањата/вклучувањата на неа.
Коце Трајановски
