Голем пожар кај струмичките гробишта – полицаец херојски спаси куче од огнената стихија!
Струмичката полиција издаде итен апел до граѓаните поради голем пожар што избувна во приградската населба Софилар, во близина на градските гробишта во Струмица.
Секторот за внатрешни работи Струмица ги повикува сите граѓани да не се движат во овој опасен реон и апелира оние што се затекнати во подрачјето итно да го напуштат.
Во драматичните моменти додека пожарот се ширел, граѓани пријавиле дека во една вила има заробено куче. Благодарение на брзата реакција на полициски службеник, животното е успешно спасено од пламените јазици.
Екипите на противпожарната единица и полицијата се уште се на терен и работат на целосна локализација на пожарот. Се апелира за максимална внимателност и почитување на упатствата од надлежните.
