Светски познатиот пејач Џејсон Деруло, по повод својот прв концерт во Македонија, доби ексклузивен и персонализиран подарок – рачно изработени Nike Air Force 1 патики од македонскиот дизајнер Филип Арсовски, познат по својот бренд @rvr.brand.
Патиките се вистинско уметничко дело, со впечатливи бои и симболи што го спојуваат урбаниот стил со културна содржина. Доминираат црвено-портокалови нијанси, леопардов дезен, како и внимателно изработени детали инспирирани од кралска тематика и македонскиот идентитет, вклучувајќи го и сонцето симболично вметнато на петицата.
Деруло беше видно импресиониран од оригиналноста и квалитетот на подарокот, кој совршено го отсликува уникатниот пристап на Арсовски во неговата работа.
Филип Арсовски, кој веќе има изработено патики за бројни светски ѕвезди, станува сè попрепознатлив на меѓународната сцена со својот препознатлив стил и внимателно изработени детали. Преку својот бренд @rvr.brand, тој успешно ја пренесува македонската креативност и енергија на светскиот моден и уметнички пејзаж.
Со своите дизајни, Филип Арсовски покажува дека од Македонија може да се создава уметност која ќе допре до глобалната публика и ќе остави траен впечаток.
