Швајцарската полиција приведе шестмина, меѓу кои и државјанин на Македонија, за
милионски грабеж во продавница за накит во Луцерн извршен на 26 октомври.
Заедно со уште по двајца соучесници од Германија и од Црна Гора и еден од Босна и
Херцеговина, тој е дел од групата осомничени на возраст меѓу 19 и 53 години,
вклучувајќи и една жена, за грабежот во продавницата за часовници и накит
„Губелин“ на „Шваненплац“ во Луцерн.
Двајца непознати мажи влегле во продавницата преку влезот на персоналот околу
8:15 часот и успеале да избегаат со богатиот плен вреден неколку милиони
швајцарски франци. Никој не е повреден.
Полицијата од Луцерн, во содејство со кантоналната полиција од Цирих, обезбедила
дел од украдените часовници, накит и пари.
<
