Македонија продолжува да „живее“ за Кралската фудбалска федерација на Шпанија (РФЕФ) и за Шпанска фудбалска селекција (СЕФУТБОЛ), кои го користеа тоа име, без „Северна“, на натпреварот меѓу репрезентациите на двете земји до 21 година во Алкоркон од квалификациите за Европско првенство 2021.
На паното зад кое се сликаше нивната селекција, на „држачот“ за топката со која се играше мечот, на официјалното видео со инсерти од најважните моменти – секаде пишува само Македонија.
„Црвената фурија“ го доби завчерашниот дуел од четвртото коло со 3:0 и се зацврсти на врвот на табелата со максимални 12 бода, а Македонија, Израел и Казахстан се веднаш зад неа со по 7.
