„Не можам да заспијам, се покривам со ќебе и плачам, бидејќи сум гладна“ изјави Амра Зеќири, ќерка.
10-годишната Амра не плаче за играчки, туку за леб. Заспива гладна и во солзи. Мајката на Амра, Флора, вели дека ѝ е тешко да ја гледа својата ќерка за која секоја ноќ е иста – бессона поради глад.
„Понекогаш ѝ велам, не тагувај, ќе дојде тато и ќе ни донесе. Ќе работи на пазар и ќе ни донесе. Понекогаш сосетката од горе ни дава храна“, изјави Флорина Зеќири, мајка.
Малата Амра се грижи и за домашните работи. Ѝ помага на болната мајка која пред неколку месеци останала делумно парализирана. Една обична семејна прошетка, заврши фатално за Флора.
„Отидовме таму и имаше еден мост. Ќерка ми сакаше да погледне и побара да се качиме на мостот. Кога застанавме на мостот, јас носев папучи, ја држев ќерка ми за рака. Ја турнав да не се лизне и потоа јас паднав од висина 7 метри“, додаде мајката Флорина.
Шенол Зеќири работи на зелен пазар, но често заработката што ја носи дома изнесува само 100 денари. Вели дека не може да опише со зборови во каква тешка состојба се наоѓа.
„Колку е тешко не можеш ниту да замислиш. Прво за храната, потоа за болестите на ќерка ми и сопругата. Девојчето има проблеми со бубрезите. Веќе две години одиме по болници и парите што ги имав ги потрошив. За себе не сакам ништо, туку за ќерка ми и сопругата“, изјави Шенол Зеќири, татко.
Тричленото семејство не добива социјална помош, а живее под кирија во Тетово. Месечно за киријата плаќаат 120 евра, а последните три месеци не успеале да ги покријат овие трошоци, поради што сопственикот им порача доколку не го платат долгот, ќе мора да се иселат. Надежта на семејството се хуманите луѓе, кои можат да донираат храна и да им помогнат да изградат свој дом.
Контакт на семејството: 079 261 463
Жиро сметка за донации: 300117025633158 – Комерцијална банка – Фљорина Зеќири
