Познатата актерка Силвија Стојановска вчера беше уапсена како осомничена во врска со шверц на 700 килограми кокаин во Шпанија.
Заедно со актерката беше уапсен и нејзиниот партнер Воислав Будисавјевиќ, кој во 2010 година беше осуден заедно со Персида Момировска – Мадам Пепи, поради шверц на кокаин и брендирана облека. Момировска, покрај брендираната гардероба која била крадена најчесто од Германија и Италија, во својот стан продавала и кокаин кој од Перу ѝ го набавувал токму Будисавјевиќ.
Сепак, според првостепената пресуда, Будисављевиќ никогаш не беше суден за овие дела, односно тој одговараше само за фалсификување на службена исправа, бидејќи во станот на Мадам Пепи беа пронајдени негови фалсификувани лични документи, односно фалс бугарски пасош, лична карта и возачка дозвола, кои се воеделе на името Симов Лазо.
Мадам Пепи беше осудена на 4 години и 11 месеци затвор, а во текот на судењето Момировска призна дека дел од стоката ја продавала без да плати давачки кон државата, но негираше поврзаност со пратката кокаин од Перу.
Tocka.mk
