Од 1 март 2020 година Луксембург станува првата земја во светот со целосно бесплатен јавен превоз. Бесплатни се градскиот и меѓуградскиот превоз, автобускиот, трамвајскиот и железничкиот превоз.
Овој потег е со цел да се намали емисијата на штетни гасови при користењето на автомобилите. Власта во Луксембург се надева дека на овој начин ќе придонесе за значително намалување на загадувањето.
“Бројот на луѓе кои користат јавен превоз не е на она ниво кое е потребно или го посакуваме. Со бесплатниот превоз очекуваме тој број драстично да се зголеми“, изјави градоначалничката на Луксембург.
Досега автобускиот превоз беше бесплатен во сабота и некои други посебно определени денови.
