Шестчленото семејство Дестанови со години живее под отворено небо. Шемо и Мирсана заедно со децата на возраст од 12 ,15 ,16 и 20 години стуткани во напуштени објекти без вода и струја одејќи од град во град се кријат и топлат од студеното време.
Дестанови не знаат како ќе ја преживеат зимата и како ќе им овозможат услови на своите деца да се школуваат и лекуваат. Тие имаат имаат само една желба, институциите и добрите луѓе да им помогнат да имаат свој покрив над глава.
Новата година ја дочекале на депонија, Шемо е слеп и не може да работи а неговата жена мора да се грижи за него и децата.
Судбината си поиграла со нив,10 години се борат со студот и сиромаштијата а дополнително сега со нив е и снаата од најголемиот син која има бебе.
Семејството Дестанови моментално е во Струга но не се знае каде ќе бидат утре или следниот ден. Tие засега живеат од милостината на хуманите луѓе, но како што велат тоа не е доволно немаат никакви услови за живот единственото нешто што го бараат е скромен топол дом.
