Ахмети уште еднаш ја повика албанската опозиција да се обедини со цел да не се изгубат мандатите кај Албанците.
Лидерот на ДУИ, Али Ахмети, на средба со граѓаните на Сарај ги коментираше последните случувања во албанската опозиција.
– Слушам гласови како се караат дека овој бил ДУИ тој бил ДУИ, овие малите кои избегале од големата соба сите биле во ДУИ. И навистина ДУИ е голема соба. Не се карајте туку дојдете во својот дом, не седете по улици – рече Ахмети.
Ахмети уште еднаш ја повика албанската опозиција да се обедини со цел да не се изгубат мандатите кај Албанците.
– Срам ми е пред меѓународните делегации. Шест албански делегации, две македонски. Изгубивме 10 мандати, не ДУИ туку Албанците. Не е време да се караме за столчиња, уште работа имаат Албанците за целосна еднаквост во овие простори. Затоа другите ги сакаат поделени и тоа е нешто што не треба да го дозволат Албанците – изјави лидерот на ДУИ.
Ахмети побара од противничките партии да се натпреваруваат со ДУИ преку дела и концепти, а не преку лаги и измислици.
