Само да разјасниме, јас не стоев до него, тој стоеше до мене. Вака на шега ко-режисерката на „Медена земја“, Тамара Котевска, ја искоментира фотографијата на која е застаната рамо до рамо со холивудскиот актер Леонардо Ди Каприо на предоскаровското дружење во театарот Долби во Лос Анџелес.
Котевска и нејзините колеги кои работеа на нашиот документарец кој е номиниран во дури две категории за најпрестижната филмска награда, на забавата имаа можност да се дружат со големи имиња како легендарните актери Ал Пачино и Роберт Де Ниро, но и со режисерот Квентин Тарантино.
