Јовановски се пожали дека е под седативи, дека одвај зборува дека трпи огромни болки во стомакот и дека вчера не бил прегледан од тм од лекари, како што наложил судот, туку го прегледал само еден дежурен лекар.
Јовановски денеска од судијката побара да се утврди неговата здравствена состојба врз основа на сите претходно направени, вкупно 60 прегледи, а таа му одговори дека ќе повика Брза помош во судот која по прегледот ќе утврди дали тој денес може или не да го следи судскиот процес.
Адвокатот на Јовановски, Сашко Дуковски ѝ укажа на судијакта дека неговиот клиент е неконтактибилен и дека тој како бранител веќе 5 дена со него немал никаков контакт и дека денеска одвај може да го разбрее што зборува. Иако судијката сакаше да го почне денешното рочиште за „Рекет“ и рече дека денес ќе се продолжи со увид во останатите докази, таа сепак по упорноста на Дуковски и Јовановски одобри лекари пак да го прегледаат Јовановски.
На денешното рочиште Јовановски во судницата, спроведен од затворската полиција, влезе облечен во црно со очила и ги поздрави новинарските екипи.
По пауза од половина час и по одлуката на лекарскиот тим ќе се знае дали денешното рочиште за „Рекет“ ќе продолжи.
К.Д. мкд.мк
