Министерот за здравство Венко Филипче на денешната прес-конференција соопшти дека станува збор за директорка на скопска клиника, но не кажа за која клиника се работи.
Тој истакна дека таа во моментот е на Клиниката за инфективни болести и дека утре поминува 14-тиот ден од инкубацијата.
„Таа е на лекување на Инфективната клиника. Ќе биде затворен целиот оддел. Сите препораки кои ни ги дадовме, мора да е почитуваат. Со оглед на конкретниот случај, директорката ќе биде хоспитализрана, како и сите вработени со кои имала контакт и пациентите кои биле на клиниката. Јас сум максимално разочаран од ваквото однесување. Уште еднаш апелирам да се почитуваат сите дадени препораки – додаде Филипче.
