Како обични граѓани загрижени за сопственото и за здравјето на македонските граѓани, но и како членови на одговорен политички субјект, укажуваме дека и полицијата треба активно да помага во доследно спроведување на мерките и препораките на Министерството за здравство пишува група граѓани наречени – Демократи. Со редовни посети на бензинските пумпи кои имаат кафулиња и укажување дека во кафулињата не смее да се седи и да се групираат, Полицијата ќе го намали ризикот од ширење на корона вирусот меѓу македонските граѓани. Воедно треба да ги опомене или казни прекршителите на мерките и препораките на Министерството за здравство донесени во интерес на зачувување на здравјето на сите граѓани на Македонија.
Како ДЕМОКРАТИ сметаме дека сѐ додека не се воведат поригорозни мерки за граѓаните од страна на Владата, битката со ширењето на корона вирусот ќе биде помалку успешна од очекуваното или потребното.
Вечерва, во 22.10 часот, на бензинската пумпа на Макпетрол во Карпош 3-Скопје глетката беше поразителна. Неодговорното однесување на некои граѓани е несфатливо, но исто така е несфатливо и однесувањето на раководството на Макпетрол кое треба да се ангажира во заштита на здравјето на своите вработени. Фотографиите направени пред половина час покажуваат дека македонските граѓани се крајно несериозни кон своето и туѓото здравје, што е за секоја осуда.
