Новозаразените од коронавирусот во Македонија не знаат кој ги инфецирал, дел од нив оделе на работа, а другиот дел не се придржувале на препораките.
Бројот на позитивни на коронавирус во земјава достигна бројка од 114 лица во последниве 24 часа, информираат од Министерството за здравство.
Според најновите податоци, детектирани се 29 новозаболени во текот на вчерашниот ден, од кои најголем дел се од главниот град, Скопје.
Освен во постојните шест градови каде што имаше заболени од коронавирусот (Скопје, Дебар, Штип, Гостивар, Охрид и Кавадарци), коронавирус во последниве 24 часа е детектиран и кај едно лице во Куманово.
