Армијата на Република Македонија привршува со монтирањето на лесната маневарска болница која од утре ќе биде подготвена за ентериерна функционалност, соопштуваат од АРМ.
Станува збор за теренска болница по пневматско шаторски систем и истата во конкретниот случај има за цел и задача да помогне во дел од работата на медицинскиот персонал и медицинскиот третман околу згрижување и третман на пациенти, како и во делот на сместувачките капацитети – болнички кревети.
-Армиските капацитети ги ставаме во служба за справување со последиците од Ковид-19.
Припадниците од воено медицинскиот центар со најголема стручност, брзина и придржување кон неопходните постапки ја транспортираа, ја поставија подлогата и ја монтираат лесната маневарска полска болница РОЛЕ-2, која веќе од утрешниот ден ќе биде подготвена за ентериерна функционалност, велат од АРМ.
Монтажните модули можат да се комбинираат и да се поврзуваат во ширина и должина можат да бидат со единечни, минливи или неминливи соби, и со тој концепт капацитетот може да се зголеми од дополнителни 40 до 130 болнички кревети.
Со ова директно се штити клиниката од преоптовареност, а се дава можност на медицинскиот персонал соодветно да ги распореди сопствените ресурси во борбата за превенција и заштита на населението од Коронавирус COVID-19.
lider
