Вчера попладне во напуштен објект во Скопје, бил пронајден повреден 54- годишен маж, кој според негово кажување бил ограбен и претепан од неколку непознати лица.
„На 15.04.2020 околу 15.10 часот во Полициска станица Центар било пријавено дека во напуштен објект на улица „Тетовска“ од полициски службеници од СВР Скопје бил пронајден повреден Б.К.(54) од Скопје.
По негово кажување, тој бил физички нападнат од неколку непознати лица, кои што му одзеле лични предмети“ велат од полицијата.
Повредениот бил пренесен во Градската општа болница „Св.Наум Охридски“, каде од лекар му биле констатирани повреди.
Се преземаат мерки за расчистување на случајот.
