Компанијата WizzAir ја продолжи суспензијата на услуги на повеќето пазари во поранешна Југославија, поради новонастанатата ситуација со коронавирусот.
Превозникот, кој првично планираше да ги започне услугите од регионот на 1 мај, сега ги одложи повеќето летови до средината на мај или почетокот на јуни. Понатамошни промени остануваат можни известуваат од компанијата.
Авионите на WizzAir повторно од Скопје и од Охрид ќе летаат од 17-ти мај на сите дестинации освен Малта. Од 2 јуни ќе се лета и за Малта.– WizzAir искрено се извинува за нарушувањата што патната забрана може да им донесе на клиентите и уверува дека безбедноста и благосостојбата на нејзините патници и членови на екипажот останува врвен приоритет на авиокомпанијата, се вели во соопштението на компанијата.
