Центарот за јавно здравје Куманово уште еднаш извршил тестирање на градоначалникот на Куманово, Максим Димитриевски и неговиот тест бил негативен, односно покажал дека нема присуство на новиот корона вирус.
Информацијата за Фокус ја потврди и Димитриевски кој вели дека сите PCR тестови кои му биле досега направени и од страна на државниот институт и од страна на приватните лаборатории, освен тестот на 12 април, биле негативни. Тестот којшто беше позитивен ги стави во изолација и техничкиот премиер, Оливер Спасовски и министерот за здравство, Венко Филипче, откако еден ден, пред да објави дека е позитивен, беа на средба со Димитриевски во Куманово.
Сепак министерот Филипче на денешниот прес не прецизираше дали кумановскиот градоначалник може да се врати на работните обврски, туку порача да се следат советите и решенијата од здравствениот инспекторат и на епидемиолозите.
-Има издадено таму решенија од Државниот здравствен инспекторат, епидемиолози и сите тие решенија треба да се почитуваат. Има медицинска причина зошто се издадени во даден момент и зошто треба да траат толку колку што е пропишано, рече Филипче.
фокус
