Македонската полиција останува гарант во заштитата на уставно-правниот поредок и на спроведувањето на законите, како и на личната и имотна сигурност на секој наш човек.
Пораката ја испрати Министерот Чулев, на денот кој го празнува македонската полиција.
7-ми мај одбележан во Полицискиот центар „Ѓорче Петров“, каде што специјалците ги демонстрираа способностите, а не изостана и едноминутната почит за загинатите.
Некогаш и самиот Министер на полицијата, а сега Технички Премиер, на честитиките се придружи и Оливер Спасовски. Истакна дека е воспоставена професионална и стручна полициска служба.
За потребите на празникот на полицијата, беше изработен и спот, чија цел, според Чулев, е да го зајакне моралот на полициските службеници.
Чулев посочи дека видеото е посветено на сите полицајци, но и здравствени работници и припадници на армијата и на сите кои се во првите редови со справувањето со пандемијата од коронавирусот. Изработката на спотот чинела 300 евра.
