Бомбашки напади во три цркви и три хотели во Шри Ланка за време на Велигден при што загинаа повеќе од 200лица и речиси 400 се ранети, соопшти медицинскиот персонал и полициски извори.
Директорката на Државната болница во Коломбо Саминди Самракон изјави дека знае за најмалку 20 смртни случаи и 280 повредени лица.
Портпаролот на полицијата изјави дека биле погодени три цркви и три хотели.
Најмалку два од хотелите и една од црквите се во главниот град Коломбо. Друга црква е во Негомбо, северно од Коломбо.
Еден извор од полициската бомбашка единица, соопшти дека една од експлозиите била во црквата Свети Антониј во Кочикаде, Коломбо.
Aashik Nazardeen@aashikchin
„Нашите луѓе се ангажирани за извлекување на жртвите“, рече изворот.
Црквата Св. Себастијан во Катувапитја, Негомбо на својата страна на Фејсбук постави слики од уништената црква, на кои се гледа крв на столчињата и подот и побара помош од јавноста.
Извори од два водечки туристички хотели во Коломбо, исто така ги потврдија експлозиите но не дадоа никакви детали.
Досега никој нема превземано одговорност за нападите.
