Никој не ги спречува соседите да се самоопределат – изјави шефицата на бугарската дипломатија, Екатерина Захариева.
Вели дека тоа не може да се прави врз основа на историски лаги и антибугарска реторика. Според неа, нација што ја создаваат од 1944 година, не треба да се базира на лаги
Захариева додаде дека заедничката бугарско-македонска Комисија за историски прашања мора да продолжи со работата.
Бугарските тврдења за македонскиот јазик се преточија во книга во која се бара официјалниот јазик на земјава да се нарекува Северно македонски бугарски јазик.
Во Книгата напишана од дваесетина академици на БАНУ, а зад која стои и потпретседателот на тамошната академија, Васил Николов, се тврди дека македонскиот е форма на бугарскиот јазик, создаден по втората светска војна, а на ваков чекор се решиле затоа што биле испровоцирани од декларацијата на МАНУ за македонскиот јазик лани.
Бугарскиот премиер, Бојко Борисов деновиве порача дека Македонија не треба да си поставува невозможни услови и бара да се почитува Договорот за добрососедство.
