Министерот за здравство Венко Филипче на денешната прес-конференција потврди дека мерките се олабавуваат, па сега многу ќе зависи од самите граѓани – како ќе се однесува вирусот во иднина.
-Три месеци откако го имавме првиот корона вирус во нашата државата. Тоа е таа пациентка која дојде од Италија, од тогаш започна борбата со вирусот.
И после три месеци, се наоѓаме на раскрсница. Дали да се отвараат објектите, бизнисите, повремено и границите или доколку мерките не се почитуваат – после неколку месеци ќе мора повторно да воведуваме строги мерки.
Огромен број на граѓани покажуваат свест и се придржуваат до мерките. Но, за жал има и такви кои дури и не веруваат дека постои вирусот.
Сите досегашни мерки се носеа врз науката и медицината. Никогаш нема да носиме мерки кои би биле лоши за здравјето на граѓаните, без разлика на се друго.
Ја чекаме вакцината и стекнување на колективниот имунитет. Сега граѓаните ќе бидат тие кои се одговорни за се. Ќе мора да се држат до мерките, да ги мијат рацете и да одржуваат дистанца.
