Доктор Нико Беќаровски на својот Фејсбук профил упати апел до неговите колеги Бујар Османи, Арбен Таравари и Зијадин Села.
“Почитувани мои колеги, др.Бујар ОСМАНИ, др.Арбен ТАРАВАРИ и др.Зијадин СЕЛА !!!!Како политички најекспонирани доктори од албанските партии, најколегијално Ве замолувам уште утре да свикате заедничка прес конференција, на која јавно со Вашиот лекарски и политички легитимитет ќе ги повикате нашите сограѓани од Чаир, Сарај, Арачиново, Липково, Студеничани, Лабуништа итн да се придржуваат кон сите препораки.
ВИЕ, почитувани мои колеги, можете, а во ситуацијава и морате, ЗАЕДНО СПЛОТЕНИ, да го упатите тој повик. Како доктори сме дале заклетва да се грижиме за секој човечки живот, а овие денови наши сограѓани ја губат оваа најважна животна битка.Секој живот е драгоцен и затоа уште еднаш Ве замолувам, заеднички повикајте на КОЛЕКТИВНА И ИНДИВИДУАЛНА ОДГОВОРНОСТ.Истиот апел го упатувам и до мојот драг колега др.Игор Гила НИКОЛОВ, да излезе на ЗАЕДНИЧКА прес конференција со др.Венко ФИЛИПЧЕ, пишува Беќаровски.
