Договорите за закуп на плажа кој ги имале операторите ,а кој договор е истечен или пак раскинат, мора да ги вратат земјиштата во првобитна состојба,пред да им биде доделена концесијата, се вели во уредбата со законска сила која Владата . Со неа се опфаќаат и нелегалните стопанственици со плажите во Охрид кои узурпирале 25 локации на охридското крајбрежје. Проверка нема да врши општинскиот инспекторат, туку контролата ќе ја врши Пазарниот инспекторат и Управата за јавни приходи, кои од нелегалните стопанственици ќе треба да бараат договор за закуп, а доколку тие го немаат, тогаш согласно законите ќе тие ќе бидат казнети, а нивните објекти затворени.
Уредбата со законска сила ќе резултира со враќање на плажите во целосно владение на Општина Охрид, се додека, физички или правни лица не склучат нов договор за концесија по пат на Јавна аукција
„Владата денеска ја дополни Уредбата со законска сила за примена на Законот за градежно земјиште за време на вонредна состојба, со која се задолжува закупецот да го врати во првобитна состојба градежното земјиште кое било предмет на краткотраен закуп предвидено со урбанистички план или урбанистичко-планска документација за плажа, а за кое временскиот рок за краткотраен закуп е истечен или договорот за краткотраен закуп е предвремено раскинат“, се вели во уредбата на Владата.
Оваа уредба ќе важи до крајот на годината. Доколку некој од економските оператори, нема концесија за користење на плажа, одбие да постапи согласно уредбата со законска сила и да ја врати плажата во првобитна состојба, во тој случај инспекторите од Пазарниот инспекторат,должни се да постапат согласно уредбата со законска сила и истиот објект да биде затворен.„Надзорот над вршењето на дејноста во рамки на Градежното земјиште предвидено со урбанистички план или урбанистичко- планска документација за плажа, се врши од страна на Државниот пазарен инспекторат и Управата за јавни приходи, a не постапувањето од страна на закупецот во согласност со член 2-а од оваа уредба, претставува основ Државниот пазарен инспекторат да изврши затворање на објектите“, се додава во уредбата.
Извор ohridsky
