Заменик началникот на Генералштабот на АРМ, генерал-мајор Азим Нуредини е позитивен на тестот за коронавирус. Уште едно лице од неговиот кабинет исто така бил позитивен на тестот, а уште неколкумина, според протоколот, се веќе во изолација, потврдија од АРМ.
Од Генералштабот информираат дека биле преземени сите мерки и за изолација на лица со кои генерал-мајорот бил во контакт и со дезинфекција на просториите каде што престојувал. Инаку, велат од армијата, доследно се применуваат и сите пропишани мерки за заштита.
Од високите државни службеници досега потврдено е присуството на коронавирусот или се во изолација и директорот на Агенција за разузнавање, директорот на Управа за јавни приходи, на финансиската полиција, градоначалник на Гази Баба, на Чаир, од денеска е затворена општина Струга, заменичката министерката на МВР, директорот на БЈБ, бифето на МВР, во Дирекцијата за безбедност на класифицирани информации, Дирекција за заштита и спасување, пратеници…
