19 – годишен скопјанец држел заклучена во стан во охрид 26- годишна италијанска државјанка . Тој го изнајмил станот од охриѓанец и заедно со пријател од Скопје се приведени во полициската станица во Охрид.
Утрово во 04,00 часот во Полициската станица Карпош, В.Ѓ.(49) од Скопје пријавил дека П.М.Д.(26) од Р.Италија, била заклучена во стан во Охрид, односно противправно лишена од слобода од лицето С.С.(19) од Скопје, кој што бил со привремено живеалиште во Р.Италија.
Од полициски службеници од СВР Охрид излезено е на терен и во стан на ул. “Партизанска“ во Охрид, сопственост на Л.С.(60) од Охрид кој го имал изнајмено, била пронајдена П.М.Д., како и лицето Б.Ф. од Скопје, познаник на С.С. Набргу С.С. и Б.Ф. се приведени во СВР Охрид.
За настанот е запознат јавен обвинител, а од страна на судија на претходна постапка на двајцата приведени им е одредена мерка во траење од по осум дена.
По целосно документирање на случајот против лицата ќе бидат поднесени соодветни пријави, соопшти МВР.
