Пет деца и пет негувателки од битолската градинка „Коца Василевска“ се во самоизолација поради потврдено присуство на коронавирус кај една вработена. Одлуката ја донела Комисијата за заразни болести по контактите со родителите..
-Согласно нивните проценки, нема опасност за останатите групи од објектот и тие можат да продолжат со работа и примање на деца – соопшти министерството за труд и социјална политика..
Потврден е и случај во скопската градинка „Раде Јовчевски Корчагин“ се работи за вработена која во средата не била на работно место и немала контакт со прием на деца. Согласно, препораката на епидемиолозите, доколку утре не се пријават вработени со симптоми објектот може да продолжи да работи нормално од понеделник.
Во меѓувреме стигна информација дека позитивна е и една вработена во светиниколска градинка, но поради тоа што имала симптоми градинката во средата воопшто не била отворена.
Според протоколите на комисијата на заразни болести, внатрешноста на градинките мора да се дезинфекцира на секои два часа… засега нема информација за заразаено дете во првите три дена по отоврањето на градинките, но доколку се појави, тоа веднаш ќе биде изолирано.
