ВМРО-ДПМНЕ најави протест во вторник за поддршка на македонските историчари во „одбраната“ на апостолот на македонската револуционерна борба Гоце Делчев.
– Делчев го разбираше светот како поле за културен натпревар помеѓу народите. Европската Унија, од која секој ден сме сè подалеку со мафијата на власт, почива врз идеите на солидарност, заедништво и градење на мостови. Владата преговара за Делчев, а очите на јавноста се далеку од тоа што за нашата земја е суштински важно. Нашите историчари заслужуваат поддршка, затоа што Гоце е столбот на македонизмот. Власта да има во предвид колку е важен супстратот за кој разговараат – вели лидерот на ВМРО-ДПМНЕ.
Протестот на ВМРО-ДПМНЕ е закажан за вторник во 18:30 часот од Министерството за правда, мостот „Гоце Делчев“ до МНР.
– Ова е протест на народот, целта е ЗА ЕУ, ЗА МАКЕДОНИЈА, ЗА ДЕЛЧЕВ. Гоце е црвената линија за нашето достоинство. Се гледаме! – се вели во објавата на Христијан Мицкоски.
