Гоце Делчев е еден од најсветлите ликови врз чии постулати почива современата македонска држава. Со него нема преговарање, Делчев не го даваме! Ова се дел од пораките кои македонскиот народ вечерва, сплотено, ги испрати од протестниот марш.
Пред илјадниците граѓани се обрати лидерот на ВМРО-ДПМНЕ, Христијан Мицкоски, кој рече дека Гоце го има во химната, Гоце Делчев е Македонија. Патриотизмот не е демоде ниту антиевропската политика. Македонизмот не е ништо помалку важно од Европеизмот. Тука сме и за ЕУ и за Гоце Делчев.
– Не смееме да дозволиме да станеме територија. СДСМ предводено од Заев не е за ЕУ, тој е се спротивно од европската вредност. Таму нема обвинители кои се заедно со врхушката од власта. Тие ја поскапеа струјата и го осиромашуваат народот. Склопуваат договори со анти ЕУ бизнисмени од 200 милиони евра. Тие се против ЕУ за да можат да крадат и не одговараат. Тие се мафија. Нашата идинина е во ЕУ и таа ќе дојде, но без овие луѓе на власт. Заев не е идината туку заканата за овој народ. Сакаат да го продаат Гоце за да си доделат уште некоја лиценца за производство на марихуана. Македонија освен мафија има народ кој си ја сака државата. Овој народ го сака Делчев бидејќи е симболот на Македонија. Тој е нашата тврдина која нема да ја напуштиме. Делчев обединува, а СДСМ разединува. Мафијата не е посилна од вистината. Ајде од оваа наша држава да направиме гордо и достоинствено место за живеење. Опаметете се, Делчев е нашиот Мечкин Камен и нема да отстапиме, порача Мицкоски.
Протестот започна пред зградата на Министерството за правда, а преку мостот „Гоце Делчев“, заврши пред Министерството за надворешни работи.
