Гоце Делчев е Македонец во регионална смисла на зборот, но во смисла на народно-етничката припадност Гоце Делчев е Бугарин роден во географската област Македонија. Оваа информација од дипломатски извори во МНР ја oбјавува пратеникот на ВМРО-ДПМНЕ Антонио Милошоски на својот фејсбук-профил.
Тој вели дека за ова треба да се договорат премиерите Заев и Борисов за време на предвидената средба на 11 ноември во Бугарија.
„Оваа дефиниција потоа би се применила и на многу други историски личности, како Даме Груев, Никола Карев, Ѓорче Петров, Панко Брашнаров, Киро Глигоров и други. Веројатно ова е една од причините зошто Заев одбива и собраниска и политичка-лидерска дебата околу националните позиции на Македонија во однос на договорот за добрососедство со Бугарија, пред закажаната посета на Софија“, напиша Милошоски.
