Холивудската актерка Никол Кидман може да се пофали со разновидни улоги што ги одигра, а за некои од тие улоги беа потребни и провокативни секс-сцени.
Најзначајната од нив е секако улогата во филмот „Очи широко затворени“ од 1999 година на режисерот Стенли Кјубри. Актерката во едно неодамнешно интервју изјави дека никогаш не одбила никаква актерска задача.
Кидман глумеше во спомнатиот филм со нејзиниот поранешен сопруг Том Круз, а режисерот ја замолил да се разголи целосно пред камерата.
– Ми рече „сакам целосна фронтална голотија“, а мојата прва реакција беше „ах, не знам баш“. Но, успеавме да се договориме, постигнавме одлична спогодба и сè беше регулирано со договорот. Ми ги покажа сцените кои вклучуваа голотија уште пред воопшто да започнеме да ги снимаме – истакнала актерката и продолжила:
– Така се чувствував целосно безбедно. Бев навистина максимално заштитена и можев самоуверено да ги изразам сите аспекти на улогата што тие ја наменија за мене. На ниту една сцена не реков „не“, но сакав да бидам сигурна во тоа што го правам, не сакав да ми се смеат сите на снимањето – изјавила Кидман во интервјуто за „Њујорк тајмс“, пренесува „Дејли мејл“.
