Македонскиот репрезентативец Горан Пандев вчера ја израдува нацијата со својот гол во историскиот натпревар против Грузија… гол кој ја донесе Македонија за прв пат на Европското првенство во 2021 година, и тоа како единствена земја од регионов.
Тоа веројатно ќе биде и најголем подарок на ќерката на Горан Пандев која е горда на својот легендарен татко и која денеска полни 9 години. За таа цел тато сподели две фотографии од својата принцеза, една на која позираат заедно и друга на која ги дува свеќичките на тортата.
Под фотографијата тој на италијански напиша „Среќен роденден принцезо моја!“ а во коментарите со честитки се надоврзаа голем број на негови пријатели и фанови.
37-годишниот Пандев од 2009 година е во брак со сопругата Надица и имаат две ќерки и еден син. Тие се неговото најголемо богатство.
