Дојде до ненамерна гершка на пи-ар тимот при пишувањето на соопштението за јавноста, односно мојот став за осуда на скандирањето „УЧК, УЧК“ и „Голема Албанија“ се претставени како заеднички, изјави за Плусинфо в.д. директорот на Центарот за управување со кризи Стојанче Ангелов.
Осудата на скандирањата „УЧК, УЧК“ и „Голема Албанија“ e моja, лична, не и на реисот Шаќир Фетаи. Дојде до ненамерна гершка на пи-ар тимот при пишувањето на соопштението за јавноста, односно мојот став за осуда на скандирањето „УЧК, УЧК“ и „Голема Албанија“ се претставени како заеднички, изјави за Плусинфо в.д. директорот на Центарот за управување со кризи Стојанче Ангелов откако по средбата со реисот на Исламската верска заедница (ИВЗ), Фетаи во објава на Фејсбук се огради дека ги осудил скандирањата на протестот за случајот „Монструм“ кој се одржа минатата недела.
– Настана ненамерна гршка на пи-ар тимот кога го пишувале соопштението, така што моите ставови за осуда на извиците „УЧК“ и „Голема Албанија“ на протестот за случајот „Монструм“ ги навеле како заеднички ставови со реисот Шаќир Фетаи. Тоа се мои, лични ставови. Со реисот зборувавме за верата и влијанието на верските организации врз мирот и соживотот. Тимот при пишување на соопштението ненамерно згрешил, а јас бидејќи бев во движење не успеав да го прочитам пред да биде пуштено за објава. Со реисот имавме конструктивен разговор. И тој е на позициите дека треба да работиме на процесот на помирување и соживот помеѓу сите заедници и на намалување и искоренување на меѓуетничката омраза, процес во кој сите верски заедници може да помогнат со своето големо влијание и дека не треба да се провоцира и протестите да се користат за разгорување на омраза меѓу заедниците – ни изјави Ангелов.
Тој вели дека со ненамерната грешка го довеле реисот во ситуација да се правда. Ангелов потенцира дека е во дводневна посета на Тирана и дека затоа не можел веднаш да реагира и да ја објасни грешката на пи-ар тимот.
