Откако се рашири веста дека новороденче починало непосредно по својата крштевка, оваа недела многу Романци се мобилизираа на социјалните мрежи за да ја убедат Православната црква да го смени начинот на којшто се изведува крштевањето.
– Смртта на новороденчето поради оваа практика е голема трагедија. Тој ризик мора да се отстрани, рекоа иницијаторите на петицијата на Интернет, која досега собра повеќе од 56.000 потписи.
Новороденчето, коешто било старо само шест недели, починало во болницата во понеделникот, непосредно по крштевањето во една црква во романскиот град Сучеава.
Според обредот, малечкото било потопено трипати во блажената вода. Детето се разболело и починало неколку часа подоцна во болница поради срцева слабост.
Аутопсијата открила течност во неговите бели дробови и отворена е истрага за убиство од небрежност против свештеникот кој ја водел церемонијата.
Прочитајте и… ИЦЈ се прогласи за надлежен за иранските тужби за американските санкции
Според извештаите на медиумите, во последните години се случиле неколку такви случаи.
Портпаролот на Православната црква, Василе Банеску изјави дека свештениците можат само да ги испрскаат новороденчињата со малку вода на челото за да избегнат вакви трагедии.
Но, архиепископот Теодосиј, тврдокорен водач на црквата, рече дека обредот нема да се промени.
Извор: Индекс.хр
слободен печат
