Армијата ќе се поднови со 54 лесни оклопни возила од марката Стајкер. Стејт Департментот објави дека набавката вредна 210 милиони долари, покрај Страјкери, вклучува борбени возила, транспортери на пешадија, и командни возила. Сите ќе бидат опремени со соодветно вооружување, комуникациска и придружна техника, како и резервни делови и специјални алати.
Според спецификациите се работи за лесно оклопно возило со 8 тркала кое постигнува брзина од 100 километри на час со опсег на дествување од 500 километри. Претставено е 2000-та година и се смета за исклучително опасно и лесно маневрирачко наоружување.
Дел од парите, до 25% ги покрива Владата на САД, останатите – Владата. Од Министерството за одбрана велат дека станува збор за продолжување на веќе започнатиот повеќегодишен проект за модернизација на Армијата, кој треба да се реазлира до 2024-та година. Набавката ќе се одвива во неколку фази, а во првата ќе стигнат 20 возила веќе од следната година.
Од Министерството додаваат дека со набаваката за опремување и модернизација на Армијата, покрај исполнување на побарувањата од НАТО, ќе се овозможи и земјава да ги проектира и заштити своите витални и национални интереси. Целта на Стејт Депатментот на САД е да гради трајни безбедносни партнерства ширум светот и да ги зајакне сојузниците колективно да ја спречуваат агресијата, да ги намалат заканите, да одржуваат поволни регионални стратешки рамнотежи и да го подобрат споредлувањето на товарот. Одделот, преку ЕРИП програмата им помага на европските партнери и НАТО сојузници да ги модернизираат своите воени силии да се оддалечат од опремата од советското наследство или руското прозивдоство, за да се намали руското влијание врз набавките за одбрана на партнерите и сојузниците.
Инаку почетокот на овој месец, САД донираше скоро 1.300 автоматски пушки М4 за потребите на Армијата.
Sitel
