Проф. Д-р. Драган Даниловски гостувајќи во Студио 10 на ТВ24 истакна дека имунизацијата е мал зрак за надеж дека наскоро ќе излеземе од оваа ситуација. Тој напомена дека крајот на приказната се гледа и дека треба со што помалку солзи да стигнеме до крајот.
Според Даниловски ентузијастот на нашите доктори е голем затоа што до крај се борат да немаме луѓе со траги*ен епилог по ходниците, со легла исто така немаме проблем и едноставно останува на нас граѓаните да помогнеме во епилогот на ова планетарно искушение.
„Ние не сме Германија, кога тие вложуваа во единици за интензивна нега, од ЕУ им замеруваа зошто вложуваа толку многу во тоа. Затоа сега се комотни. Но и покрај тоа воведуваат рестрикции затоа што размислуваат 100 чекори понапред. Тоа е разликата од нашиот систем.
Иако ние имаме огранични можности, јуначки се носиме со предизвикот. Ентузијастот на нашите доктори е голем. Со легла нема да имаме проблем. Единствено останува ние како граѓани да помогнеме и во епилогот на ова планетарно искушение. Крајот на приказната се гледа, да се воздржиме во егоизми, со што помалку солзи да стигнеме до крајот.
Половина од нашата нација е во контакт со заразата, и без имунизацијата, да ги испочитуваме мерките. Да го задржиме здивот, да сопре се, за да сопре и болката“ – рече проф. д-р Драган Даниловски во Студио 10 на ТВ24.
